Bidea markatzen diguten arauak

Gure balio eta sinesmenak islatzen dituzten lekuetan hobeto aritzen gara.
Horregatik, gure arau propioak sortu ditugu.

  • #1 Nahi dugun aldaketa bultzatzea

    Ez gara zain geratzen gauzak aldatu daitezen; ekintzaren bidez eragiten dugu, eredutik eraikiz.

  • #2 Erabiltzailearen esperientzian zentratzea

    Pertsonak dira gure lanaren erdigunea. Diseinu eta prozesu guztiak erabiltzailearen beharretara egokitzen ditugu.

  • #3 Bihotzarekin sortzea

    Pasioa da gure motorra. Egiten dugun horretan sinesten dugu eta proiektu bakoitzean gure zatitxo bat uzten dugu.

  • #4 Tokiko artizautza bultzatzea

    Eskuz eta arretaz egindako prozesuak baloratzen ditugu, bertako talentua eta materialak babestuz, kalitatezko produktu jasangarriak sortzeko.

  • #5 Esperimentazioa ikasketa iturri izatea

    Proba eta errore bakoitza hazteko aukera bat dela uste dugu; jakin-minak gidatzen gaitu etengabe ikastera, berritzera eta gure mugak gainditzera.

  • #6 Gure euskal nortasuna aldarrikatzea

    Gure hizkuntza, kultura eta balioak gure lanean islatuta daude, tradizioa eta modernitatea uztartuz gure identitate propioa proiektatzeko.

1 6

Kalitatezko materialak

Papera

Ez da edozein paper

Paperaren munduan murgiltzen gara xehetasun txikiena ere zaintzeko. Ehundurak, gramajeak eta akaberak zorrotz aztertzen ditugu, kalitate goreneko paper batek soilik eman dezakeen sentsazio hori eskaintzeko.

Idazketa

Zure boligrafo gogokoenarentzat prest

Gure papera bereziki hautatua dago idazketa esperientzia fluidoa izan dadin. Zure luma edo boligrafo gogokoena erabiltzean, tinta ez dela zabaltzen eta trazuak irrist egiten duela nabarituko duzu; guztia prest dago zure hitzak hobekien jasotzeko.

eduki formatua

Zure neurrira diseinatuak

Badakigu sormen bakoitzak bere espazioa behar duela, eta horregatik diseinu eta formatu desberdinak garatu ditugu. Zure beharretara eta erabilera modura ongien egokitzen den aukera hauta dezazun, betiere praktikotasuna uztartuz.